Economy
അടുത്ത രണ്ട് വര്ഷത്തിനുള്ളില് OLED സ്ക്രീനോടുകൂടിയ ആദ്യത്തെ മാക്ബുക്ക് പ്രോ മോഡല് പുറത്തിറക്കാന് ആപ്പിള് പദ്ധതിയിടുന്നതായി റിപ്പോര്ട്ട്. കുപെര്ട്ടിനോ കമ്പനിയുടെ നിലവിലുള്ള മാക്ബുക്ക് മോഡലുകളില് മിനി-എല്ഇഡി സ്ക്രീനുകളാണ് സജ്ജീകരിച്ചിരിക്കുന്നത്. അത് ഭാവിയില് ഒഎല്ഇഡി പാനലുകളാകാനാണ് സാധ്യത.
ഈ മാക്ബുക്ക് പ്രോ മോഡല് 14-3 ഇഞ്ച്, 16.3 ഇഞ്ച് ഡിസ്പ്ലേ വലുപ്പങ്ങളിലും ഹൈബ്രിഡ് ഒഎല്ഇഡി സ്ക്രീനിലും ലഭ്യമാകുമെന്നാണ് റിപ്പോര്ട്ടുകളില് നിന്ന് വ്യക്തമാകുന്നത്. നിലവിലെ തലമുറ മോഡലില് ഉപയോഗിക്കുന്ന മിനി-എല്ഇഡി ഡിസ്പ്ലേയില് നിന്ന് വ്യത്യസ്തമായി 2026 മാക്ബുക്ക് പ്രോയില് ഡിസ്പ്ലേ നോച്ച് ഉണ്ടായിരിക്കില്ല. കൂടാതെ ഐഫോണ് 15 മോഡലുകള്ക്ക് സമാനമായ ഡൈനാമിക് ഐലന്ഡ് ഇതിനുണ്ടായിരിക്കുമോ എന്നും വ്യക്തമല്ല.
മാക്ബുക്ക് എയറും 2027-ല് OLED സ്ക്രീന് ഉപയോഗിച്ച് അപ്ഗ്രേഡുചെയ്യുമെന്നാണ് പ്രതീക്ഷിക്കുന്നത്. 13.8-ഇഞ്ച്, 15.5-ഇഞ്ച് ഡിസ്പ്ലേ വലുപ്പത്തില് ഒരു ഹൈബ്രിഡ് OLED പാനലും അവതരിപ്പിക്കുമെന്നാണ് പ്രതീക്ഷിക്കുന്നത്. ഈ വര്ഷം ആദ്യം തന്നെ ആപ്പിള് ഐപാഡ് പ്രോയെ ടാന്ഡം ഒഎല്ഇഡി പാനല് ഉപയോഗിച്ച് അപ്ഗ്രേഡുചെയ്തിരുന്നു. കൂടാതെ ഐപാഡ് എയര് മോഡല് 2026-ല് 8.4 ഇഞ്ച് ഹൈബ്രിഡ് ഒഎല്ഇഡി സ്ക്രീനായി അപ്ഗ്രേഡ് ചെയ്യുമെന്നാണ് പ്രതീക്ഷിക്കുന്നത്.
Content Highlights: apple macbook pro oled notch launch timeline report